ევროკავშირი მოსკოვში გამართულ აქციაზე მომიტინგეების დაკავების ფაქტს გმობს. როგორც ბრიუსელში განაცხადეს, 1000-ზე მეტი ადამიანის დაკავება და მშვიდობიანი დემონსტრანტების წინააღმდეგ ძალის გაუმართლებელი გამოყენება შეკრებისა და გამოხატვის თავისუფლების პრინციპს არღვევს.

ამასთან ერთად, ევროკავშირის წარმომადგენელმა მაია კოსიანჩიჩმა ევროკავშირის სახელით მოითხოვა, რომ მოსკოვის საკრებულოს არჩევნებზე ყველა კანდიდატს თანაბარი შესაძლებლობები ჰქონდეს.

„ჩვენ ველოდებით, რომ ამ არჩევნების დროს რუსეთის ხელისუფლება დაიცავს ვალდებულებებს, რომლებიც მათ ეუთო-სა და სხვა საერთაშორისო ორგანიზაციების წინაშე აქვთ აღებული“ – ნათქვამია კოსიანჩიჩის განცხადებაში.