თითქმის მთელი დღე გრძელდებოდა საპროტესტო აქციები მოსკოვში, რომელზეც მომიტინგეები დედაქალაქის საარჩევნო კომისიის მიერ ოპოზიციონერი კანდიდატების მოხსნას აპროტესტებდნენ.

ასევე მთელი დღე გრძელდებოდა მოსკოვის პოლიციისა და სპეცდანიშნულების რაზმის სადამსჯელო ღონისძიებები, რომელთა მიზანიც საპროტესტო აქციების ჩაშლისკენ იყო მიმართული. პოლიციამ ჯერ კიდევ მიტინგის დაწყების წინ დააკავა აქციის ორგანიზატორები და არჩევნებიდან მოხსნილი კანდიდატები, არასანქვცირებულ მიტინგში მონაწილეობისკენ მოსახლეობისთვის მოწოდების ბრალდებით.

დაკავებები ქუჩებში აქციის დაწყებამდე და უშუალოდ აქციის დროს 22 საათამდე გაგრძელდა. საბოლოო ინფორმაციით 1100-მდე მომიტინგე იქნა დაკავებული. სამართალდამცავები განსაკუთრებული სისასტიკით ექცეოდნენ მომიტინგეებს და ხელკეტების გამოყენებით მათ მოსკოვის ცენტრიდან განდევნას ცდილობდნენ.

დღის დასარულს მომიტინგეთა ნაწილი სადოვაიას ქუჩაზე შეიკრიბა, სადაც მათ ასევე დასდევდა პოლიცია.

სადოვაიაზე მომიტინგეებს აქციის ერთერთმა ორგანიზატორმა ილია იაშინმა დაშლისკენ და 3 აგვისტოს მიტინგის მზადებისკენ მოუწოდა,

"ხელისუფლებას "სახურავი აეხადა", იგი სადისტურად იქცევა.

მეგობრებო, თქვენ დღეს თავი ნამდვილ მოქალაქეებად და გმირებად წარმოაჩინეთ.

ჩვენი შემდეგი ნაბიჯია 3 აგვისტოს მიტინგი მოსკოვში," - განაცხადა იაშინმა.

მიუხედავად მოწოდებისა, სადოვაიაზე 200-მდე მომიტინგე მაინც დარჩა. პოლიციამ კიდევ რამდენიმე ადამიანი დააკავა და დაიშალა.

ადგილობრივი დროით 22 საათისთვის მომიტინგეებიც დაიშალენ.

ჟურნალისტები და ადგილობრივი უფლებადამცველები დაკავებულთა და დაშავებულთა ბედს არკვევენ. ექსპერტების განცხადებით, ხელისუფლება მოსკოველებს უბიძგებს, რომ პროტესტი უკვე კრემლისა და მისი ხელმძღვანელისკენ მიმართონ - დღეს პირველად ,,პუტინ ხუილო'' მოსკოვის ქუჩებშიც გაისმა.