მსოფლიო მეტეოროლოგიური ორგანიზაციის განცხადებით, ევროპაში ბოლოდროინდელი ანომალიური სიცხეების შედეგად საფრთხე ემუქრება გრენლადიის მყინვარის საკმაოდ მოზრდილ ნაწილს, რომელიც შესაძლოა, გლობალური დათბობის გამო მოწყდეს მთლიან მასას, რომელიც დნობის აქტიურ პროცესშია.

ეს სახიფათო სიცხეები, რომლის დროსაც ტემპერატურა დააფიქსირდა 110 გრადუსი ფარინჰეიტით საფრანგეთში, გამოწვეულია თბილი ჰაერის მასების შემოსვლით ატმოსფეროში საჰარიდან და ესპანეთიდან, ახლა კი არის საშიშროება, რომ ეს ჰაერის მასები ჩრდილოეთ ნაწილშიც გავრცელდეს.

,,ევროპაში ბოლოდროინდელი სიცხეები საშიშია არა მხოლოდ იმიტომ , რომ იგი საფრთხეს უქმნის ადამიანის სიცოცხლეს, არამედ იმიტომაც რომ იგი იწვევს არქტიკული ზღვის ყინულების დიდი ნაწილის ლღობას.’’ ,- ნათქვამია მეტეოროლოგიური ორგანიზაციის განცხადებაში.

მეცნიერების აზრით, თუ ცხელი ჰაერის მასები აქტიურად გავრცელდება ჩრდილოეთში, გამოიწვევს არქტიკის მყინვარების მასიურ დნობას, რამაც შესაძლოა ოკეანის წყლის ბალანსის დარღვევა განაპირობოს, რის შედეგადაც წყლის დონე 20 სანტიმეტრით მოიმატებს - ამ ტენდენციის მასიური ხასიათის მიღების შემთხვევაში რამდენიმე ათეულ წელიწადში სავარაუდოა მსოფლიო ოკეანის წყლის გავრცელება დედამიწის კონტინენტური ხმელეთის ნაწილზე.