ზელენსკის პარტიამ რადაში უმრავლესობა და მთავრობის დაკომპლექტების შესძლებლობა მოიპოვა - უკრაინის ცესკომ ბიულეტენების 100% დაითვალა

მსოფლიო - 15:45, 26 Jul, 2019

1337

უკრაინის ცენტრალურმა საარჩევნო კომისიამ საარჩევნო ბიულეტენების 100 პროცენტი დათვალა. საბოლოო მონაცემებით, რომელიც შეიძლება შეიცვალოს სასამაღთლოში შეტანილი სარჩელების დაკმაყოფილების შემდეგ, პროპორციული არჩევნების შედეგად პარტიების შედეგები ასეთია:

ზელენსკის "ხალხის მსახური" -43,16%. პრორუსული "ოპოზიციური პლატფორმა - ცხოვრებისათვის" - 13.05%; ტიმოშენკოს "ბატკივშინა" - 8,18%; პოროშენკოს "ევროპული სოლიდარობა" - 8.10%; მუსიკოს ვაკარჩუკის "გოლოსი" - 5.82%.

ზელენსკის პარტიის წარმომადგენლებმა მოიგეს მაჟორიტარული ოლქების უმრავლესობაშიც.

შესაბამისად, ზელენსკის პარტიამ რადაში უმრავლესობა და მთავრობის დაკომპლექტების შესძლებლობა მოიპოვა

ოფიციალურ შედეგებს, მათ შორის მაჟორიტარული არჩევნების მონაცემებს საარჩევნო კომისია 5 აგვისტომდე გამოაცხადებს.

კომისიაში ასევე აცხადებენ, რომ საკმაოდ დიდი რაოდენობის, 91 ათასამდე ამომრჩეველი ე.წ. "ორეულებმა" - ერთიდაიგივე სახელისა და გვარის მქონე კანდიდატებმა დააბნია. საერთო ჯამში ასეთმა კანდიდატებმა 1-დან 5% მდე ხმა დააკარგვინეს სეხნიებს. ზელენსკის პარტია აცხადებს, რომ ამ "ორეულების" არსებობამ მათ 6 კანდიდატის დამარცხება გამოიწვია, რადგან მათ სწორედ ის 2-3 პროცენტი დააკლდათ გამარჯვებამდე.