ირანი ემუქრება ბრაზილიას , რომ ის გააუქმებს ყველა სახის იმპორტს , მანამ სანამ ბრაზლიის სანაპიროებთან განლაგებულ ორ ირანულ გემს არ მისცემს საწვავით გამართვის საშუალებას,- ინფორმაციას ავრცელებს BLOOMBERG

ირანის ელჩმა ბრაზილიაში, სეიდ ალი სეგაიენმა, განუცხადა ბრაზილილ მაღალჩინოსნებს, რომ მისი ქვეყანა მარტივად შეძლებს ახალი მომწოდებლების პოვნას სიმინდის, სოის და ხორცის იმპორტირებისთვის, თუ სამხრეთ ამერიკული სახელმწიფო უარს განაცხადებს, მისცეს უფლება ნავთობით გამართონ ირანული სატრანზიტო ხომალდები.

ბრაზილია ყოველწლიურად ირანში 2 მილიარდი დოლარის ღირებულების ფართო მოხმარების საგნებს ყიდის.

,,მე განვუცხადე ბრაზილიელებს, რომ ეს პრობლემა აღმოფხვრან, წინააღმდეგ შემთხვევაში, თეირანში მთავრობა დაიწყებს ფიქრს და მიიღებს შესაბამის გადაწყვეტილებას თავისუფუალი ბაზრის პირობებში იპოვოს სხვა პოტენციური მომწოდებლები’’.

სახელმწიფოს დაქვემდებარებაში მყოფი კომპანია ,, PETROLEO BRASILIEIRO’’ უარს აცხადებს ირანული ხომალდების ნავთობით გამართვაზე, რაც განპირობებულია მაღალი რისკით აშშ-სგან სანქციების დაწესების შიშით. კომპანიის ხელმძღვანელობა აცხადებს , რომ მიღებული გადაწყვეტილება განპირობებულია ბიზნეს საქმიანობით და სხვა კომპანიებისგან შეუძლიათ ირანელებს ხომალდებისთვის ნავთობი შეიძინონ.

ბრაზილიის პრეზიდენტი ბოლსონარო, რომელიც აშშ-ს მოკავშირე და დონალდ ტრამპის მხარდამჭერია, აფრთხილებს კომპანიებს ირანთან ურთიერთობის დროს სანქციების დაწესების შესაძლო რისკებზე.