პენტაგონს ახალი ხელმძღვანელი ჰყავს - 55 წლის მარკ ესპერი ვეტერანი სამხედრო და ფილოსოფიის დოქტორია

მსოფლიო - 11:44, 24 Jul, 2019

760

აშშ-ის სენატმა ხმათა უმრავლესობით თავდაცვის მინისტრის პოსტზე მარკ ესპერის კანდიდატურა დაამტკიცა.

ესპერმა უკვე მიიღო ფიცი აშშ-ის დონალდ ტრამპის თანდასწრებიტ, რომლის მიერაც იყო მისი კანდიდატურა წარმოდგენილი.

აშშ-ის თავდაცვის მინისტრის პოსტი ვაკანტური იყო ბოლო 7 თვის განმავლობაში მას შემდეგ, რაც დონალდ ტრამპის საგარეო, განსაკუთრებით კი თავდაცვის პოლიტიკასთან დაკავშირებით უთანხმოების გამო პოსტდან ჯეიმს მეტისი გადადგა.

პენტაგონის მეთაურის პოსტი ამდენი ხანი ვაკანტური 70 წელია არ ყოფილა.

მარკ ესპერი თავად ყოფილი სამხედროა, ის სპარსეთის ყურეში პირველი ომის დროს მსახურობდა, როდესაც აშშის ხელმძღვანელობით, საერთაშორისო კოალიციამ ერაყის მიერ დაპყრობილი ქუვეითი გაათავისუფლა. შემდეგ ის საჰაერო-სადესანტო დივიზიაში მსახურობდა.

ესპერს მხარი 90-მა სენატორმა დაუჭირა, წინააღმდეგ წავიდა მხოლოდ 8, რაც იმას ნიშნავს რომ მისი კანდიდატურა ორივე პარტიის მხარდაჭერით სარგებლობდა.

სენატში მოსმენის დროს მარკ ესპერმა ხაზგასმით აღნიშნა, რომ მისი თვალსაზრისით აშშ-ის შეიარაღებლმა ძალებმა ერთდროულად რამდენიმე მიზანს უნდა მიაღწიოს: მოდერნიზაციას, იყოს მზად დიდ სახელმწიფოთა შორის კონკურენციის ახალი ეპოქისთვის, შეინარჩუნოს ტერორისტულ ორგანიზაციების და მათ მიერ დაფუძნებული ე.წ სახელმწიფოევის დამარცხების შესაძლებლობა, ასევე გააგრძელოს მჭიდრო თანამშრომლობა აშშ-ის მოკავშირეებთან.

55 წლის ესპერი განათლებით სახელმწიფო მმართველობის მაგისტრი და ფილოსოფიის დოქტორია, პარტიით რესპუბლიკელი, სამხედრო წოდებით კი ვიცე-კოლონელი / ვიცე-პოლკოვნიკი.