ჰაკერებმა რუსეთის ФСБ-ს სერვერი გატეხეს - გატანილია 7.5 ტერაბაიტი ინფორმაცია და გამჟღავნებულია საიდუმლო პროექტები

მსოფლიო - 15:38, 21 Jul, 2019

9512

ჰაკერებმა წარმატებით გატეხეს რუსეთის ფედერალური უსაფრთხოების სამსახურის ბაზა, რომლიდანაც მოპარულია 7.5 ტერაბაიტის მოცულობის უმნიშვნელოვანესი ინფორმაცია- 13 ივლისს FSB-ს კონტრაქტორის ,,SYTECH’’-ის სერვერი 0v1ru$-ის სახელით გატეხეს ჰაკერებმა და რუსეთის უშიშროების უმნიშვნელოვანესი ფარული პროექტები გამოაქვეყნეს ინტერნეტში.

ჰაკერებმა მოპარული ფაილები ატვირთეს ტვიტერის ვებ გვერდზე, სადაც განმარტებულია ის, თუ რა გეგმებისთვის იყენებდა რუსეთის ფედერალური უსაფრთხოების სამსახური ამა თუ იმ საიდუმლო ციფრულ პროგრამებსა და პროექტებს.

ფაილები ცხადყოფს, რომ SYTECH თანამშრომლობს FSB-სთან 2009 წლიდან და მუშაობდა სხვადასხვა საიდუმლო პროექტებზე, რომელთაგან თითოეულს თავისი უნივერსალური ფუნქცია გააჩნდა:

NAUTILUS- პროექტი, რომელიც გათვლილი იყო სოციალური მედიის: FACEBOOK, MYSPACE, LINKEDIN-ის მომხარებელთა შესახებ ინფორმაციის შეგროვებაზე

MENTOR-პროგრამა, რომელიც რუსული კომპანიების მიერ იმეილებით კომუნიკაციებს თვალყურს ადევნებდა და კონტროლზე ჰქონდა აყვანილი

TAX 3 -ესეც SYTECH-ის მიერ შექმნილი პროგრამაა, რომელიც საჭირო ინფორმაციებს ფლობდა და ინახავდა სხვადასხვა მნიშვნელოვანი სახელმწიფო მოხელეების, მოსამართლეების, ადგილობრვიი ადმინისტრაციის წარმომადგენლების და სახელმწიფო IT ქსელების შესახებ.

ჰაკერების მიერ გავრცელებული ინფორმაცია აგრეთვე ცხადყოფს, რომ რუსეთის სადაზვერვო სამსახურებს მუდმივ კონტროლზე ჰყავდათ აყვანილი რუსი პენსიონერები და სტუდენტებიც, რომელთა შესახებაც აგროვებდნენ საჭირო ინფორმაციებს.