არასრულწლოვანი მუშის დაღუპვის საქმეზე დაკავებულმა, რომომელიც სამშენებლო კომპანიის დირექტორ​ია, სასამართლო სხდომაზე განაცხადა, რომ ის არ არის დამანაშავე

ბრალდებულის თქმით, მისთვის უცნობია, როგორ მოხვდნენ მუშები ობიექტზე, რადგან მას არავითარი შეთანხმება სამუშაოების წარმოებაზე არ ჰქონია.

„არავითარი დანაშაული არ ჩამიდენია. არ ვიცი, როგორ შევიდნენ ისინი ობიექტზე. მე არავითარი ნებართვა არ მიმიცია დემონტაჟის და არც რაიმე თანხა გადამიხდია“, – განაცხადა შიშუ პალ ბურდაკმა.

პროკურატურამ დაკავებულის მიმართ პატიმრობის შუამდგომლობა დააყენა. ​ამასთან, ადვოკატი მისი დაცვის ქვეშ მყოფისთვის აღკვეთის სახით 30 000 ლარის შეფარდებას ითხოვს.

სამშენებლო კომპანია „ჯევიკე ჰოსპიტალიტის” დირექტორს, შიშუ პალ ბურდაკს პროკურატურამ ბრალი სამთო სამშენებლო სამუშაოების წარმოებისას უსაფრთხოების წესების დარღვევის მუხლით წარუდგინა. სწორედ ამ ობიექტზე დაიღუპა 2003 წელს დაბადებული არასრულწლოვანი 16 ივლისს, რომელიც გამოძიების ინფორმაციით, ლიფტის დემონტაჟის დროს ლიფტის შახტში ჩავარდა.

სამშენებლო კომპანია ,,ჯევიკე ჰოსპიტალიტის” დირექტორი 19 ივლისს დააკავეს.