ერთი თვე 20 ივნისის სისხლიანი ღამიდან. ამ დროის განმავლობაში საზოგადოების პროტესტი არ შეწყვეტილა პარლამენტის შენობის წინ, სადაც ახალგაზრდები შინაგან საქმეთა მინისტრის გიორგი გახარიას გადადგომას ითხოვენ.

ამ წუთებში კი კვლავ, საკანონმდბლო ორგანოს წინ აქცია მიმდინარეობს.

ზუსტად ერთი თვის წინ, რუსი დეპუტატის სერგეი გავრილოვის პარლამენტის თავმჯდომარის სკამში ჩაჯდომის გასაპროტესტებლად გამოსული აქციის მონაწილეები სპეცდანიშნულების რაზმმა ცრემლსადენი გაზით და რეზინის ტყვიებით დაარბია.

„გავრილოვის სისხლიან ღამეს“ 400-მდე ადამიანი დაშავდა, მათ შორის 40-მდე ჟურნალისტი.

დარბევის დროს რამდენიმე ადამიანმა რეზინის ტყვიების სროლის გამო, თვალი დაკარგა.