ბათუმში, მიროავტობუსი გადაბრუნდა. დაშავებულია 4 პირი, რომლებიც საავადმყოფოში არიან გადაყვანილი.

ექიმების ინფორმაციით, ავარიის დროს დაშავებული 51 წლის ქალის მდგომარეობა მძიმეა, რომელსაც მუცლის ღრუში ტრავმული დაზიანება, ფილტვის დაჟეჟილობა და მარცხენა ლავიწის მოტეხილობა აღენიშნება.

შინაგან საქმეთა სამინისტროს ინფორმაციით, მომხდარზე გამოძიება სისხლის სამართლის კოდექსის 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.

ფოტო: "აჭარის ტელევიზია".