იაპონიაში, კიოტოს ანიმაციურ სტუდიში რამდენიმე დღის წინ განხორციელებული ტერაქტის ფაქტზე, რომლის შედეგადაც 33 ადამიანი გარდაიცვალა, პოლიციამ გამოავლინა დამნაშავე, 41 წლის შინჯი აობა, რომელსაც როგორც აღნიშნეს, ფსიქიკური პრობლემები აქვს. მან თავისი დანაშაულებრივი ქმედება იმით ახსნა, რომ კომპანიამ თავისი ნაშრომი მოპარა, რომლის განხორციელებაც სურდა, რის გამოც შური იძია.

პოლიციის განცხადებით, ბოროტმოქმედი შეიჭრა კიოტოს ანიმაციურ სტუდიაში, სადაც მან კედლებს შეასხურა ბენზინი და ცეცხლი წაუკიდა. ეჭვმიტანილი დააკავეს და ცეცხლის შედეგად მიყენებული დაზიანებებით საავადმყოფოში გადაიყვანეს.

ანიმეს სამ- სართულიან შენობას ცეცხლი გაუჩნდა ხუთშაბათს 10:30 საათზე, რომელიც ძალზე სწრაფად მოედო მაღალ სართულებს, სადაც არაერთმა ადამიანმა მიიღო მძიმე დამწვრობა, რომელთაგან უმრავლესი მათგანი გარდაიცვალა. მეხაძრეებმა 33 გარდაცვლილი ადამიანის გვამი იპოვეს შენობაში და 36 კრიტიკულ მდგომარეობაში მყოფი გადაიყვანეს საავადმყოფოში.

იაპონური მედიის განცხადებით, 41 წლის ბოროტმოქმედმა 40 ლიტრი საწვავი იყიდა ანიმაციურ სტუდიასთან ახლომდებარე ბენზინ გასამართ სადგურზე, რომელიც შემდგომში შენობის დასაწვავად გამოიყენა. პოლიციამ შემთხვევის ადგილზე იპოვა ის ბენზინის კონტეინერები , რომლებიც შინჯი აობას ჰქონდა თან .

კიოტოს ანიმაციური სტუდიის დირექტორმა მედიასთან საუბარში აღნიშნა, რომ კომპანია გარკვეული ხნის მანძილზე სისტემურად იღებდა წერილებს, სადაც მათ განადგურებით ემუქრებოდნენ.

Kyoto animation - ანიმეების შემქნმელი ერთ-ერთი ძალზე ცნობილი სტუდიაა , რომელიც 1981 წელს დაარსდა.