დეპუტატის და ოჯახის 3 წევრის მკვლელობა - ФСБ-მ ქურდული სამყაროს #1 ბოსი დააკავა

მსოფლიო - 17:19, 15 Jul, 2019

15261

15 ივლისს საინფორმაციო სააგენტო „პრაიმ კრაიმ“-ზე გამოქვეყნდა ინფორმაცია, რომ რუსეთის უშიშროების ფედერალური სამსახრის თანამშრომლებმა დააკავეს 54 წლის „კანონიერი ქურდი“ ოლეგ შიშკანოვი, კრიმინალურ სამყაროში ცნობილი, როგორც შიშკანი ან ოლეგ რამენსკი. შიშკანოვი წუხელ, საკუთარ სახლში, მოსკოვის ოლქის სოფელ პოპოვკაში დააკავეს. შიშკანი პოლიციამ ბოლოს 23 წლის წინ დააკავა და ის საპატრიმროში მხოლოდ ერთხელ იჯდა 80-იან წლებში ჩადენილი განზრახ მკვლელობისთვის, 1992 წელს კი „ქურდის ტიტული“ მიიღო.

„პრაიმ კრაიმის“ ინფორმაციით, სამართალდამცავები შიშკანს 7 წლის წინ მომხდარ მკვლელობაში სხდებენ ბრალს. საქმე ეხება რამენსკის რაიონის სათათბიროს დეპუტატის ტატიანა სიდოროვას და მისი ოჯახის 3 წევრის მკვლელობას.

2012 წლის 21 თებერვალს სიდოროვა რამენსკის რაიონის ადმინისტრაციაში გამართულ სხდომაზე არ მივიდა, თანამშრომლებმა მასთან სახლში მძღოლი გააგზავნეს. ადგილზე მისულ მძღოლს სახლი ცარიელი დახვდა, თუმცა შესასვლელში სისხლის კვალი შენიშნა და პოლიციას გამოუძახა. პოლიციამ სისხლის კვალი სახლშიც იპოვა, რაც მიანიშნებდა იმას რომ სისხლიანი ცხედარი იატაკზე გადაადგილეს. დეპუტატის და მისი ოჯახის წევრების ცხედრები ვერ იპოვეს, საქმე მკვლელობის და ადამიანის გატაცების მუხლებითაა აღძრული.

გავრცლებული ინფორმაციით დეპუტატი კრიმინალური ავტორიტეტის საქმიანი პარტნიორი იყო. მრავალწლიანი თანამშრომლობის შემდეგ მათ კონფლიქტი მოუვიდათ და როგორც გამომძიებლები ვარაუდობენ, შიშკანი სიდოროვას გაუსწორდა.

2018 წლის 19 აგვისტოს ცნობილი გახდა, რომ მოსკოვში უკანასკნელი წლების ყველაზე დიდი „ქურდული შეკრება“ ჩატარდა, რომელზეც რუსეთის მთავარი ქურდი აირჩიეს. #1 კანონიერ ქურდად შიშკანი აღიარეს. მან ამ სტატუსის მიღება მას შემდეგ შეძლო რაც წინამორბედი „#1ქურდი“ შაქრო კალაშოვი გამოძალვის გამო 10 წლით დააპატიმრეს.