რუსეთის ახალი რაკეტები - ევროკავშირი შეშფოთებულია და კრემლს მოუწოდებს ხელშეკრეულების პირობებს დაუბრუნდეს

მსოფლიო - 12:52, 15 Jul, 2019

1657

ევროკავშირი მოუწოდებს რუსეთს, დაუბრუნდეს მოლაპარაკებებს საშუალო და მოკლე მანძილზე მოქმედი რაკეტების შესახებ.

,,ჩვენ ღრმად ვართ შეშფოთებულნი მოვლენათა განვითარების გამო, რაც დაკავშირებულია საშუალო და მცირე მანძილზე მოქმედი რაკეტების ხელშეკულებასთან, რომელიც შესაძლოა დასრულდეს 2019 წლის 2 აგვისტოსს. ჩვენ გამოვხატავთ წუხილს, რომ რუსეთმა ხელშეკრულების თანახმად ნაკისრი ვალდებულებების შესრულება შეწყვიტა 2019 წლის 3 ივლისიდან. ’’ ,- ნათქვამია ევროკავშირის განცხადებაში

1987 წელს საბჭოთა კავშირმა და აშშ-მ ხელი მოაწერეს საშუალო და ახლო მანძილზე მოქმედი რაკეტების ლიკვიდაციის შესახებ დოკუმენტს. ხელშეკრულების თანახმად, იკრძალებოდა ბალისტიკური და ფრთოსანი რაკეტების გამოყენება, რომელთა მოქმედების რადიუსი იყო 500 -დან 5500 კმ-მდე.

ამერიკელებმაც გამოხატეს უკმაყოფილება რუსეთის მიერ 9M729-ტიპის რაკეტის აქტიურ გამოცდებზე, რომელიც წარმოადგენს საზღვაო ბაზირების რაკეტა kalibr-ის სახმელეთო ვერსიას და მოქმედების რადიუსი 500-იდან 5500 კილომეტრამდე გააჩნია , რაც 1987 წლის ხელშეკრულების უხეში დარღვევაა. მათ ულტიმატუმი წაუყენეს რუსეთს რაკეტის სერიული წარმოებისგან თავის შეკავებაზე, რაზეც რუსებმა უარი განაცხადეს.