ატომური წყალქვეშა ნავის, ,,კომსომოლეცის’’ ჩაძირვის შედეგად შექმნილი რადიაციული დაბინძურების მაჩვენებელი ნორვეგიის ზღვაში 800 000-ჯერ აღემატება ნორმას ,- ნათქვამია ნორვეგიის საზღვაო კვლევითი ინსტიტუტის განცხადებაში.

გამოქვეყნებული ინფორმაციის თანახმად, ნათელი ხდება რომ ამ მომენტისთვის დაბინძურება საფრთხეს არ უქმნის ნორვეგიის ზღვაში თევზჭერას, თუმცა ზღვის ფსკერზე მყოფი წყალქვეშა ნავი მოითხოვს მუდმივ დაკვირვებასა და კონტროლს.

ატომური წყალქვეშა ნავი ,,K 278 კომსომოლეცი’’ ჩაიძირა 1989 წელს 1680 მეტრის სიღრმეზე, 180 კილომეტრის მოშორებით ,,დათვის კუნძულიდან'' ნორვეგიის ზღვაში.

ეკიპაჟის 69 წევრიდან 42 გარდაიცვალა. კატასტროფა გამოიწვია ატომური წყალქვეშა ნავის მე-7 განყოფილებაში გაჩენილმა ხანძარმა.