კანკალის რეგულარულმა შეტევებმა, რომელიც ანგელა მერკელს ბოლო პერიოდში ოფიციალურ შეხვედრევზე დაემართა, გერმანიის პოლიტიკურ წრეებში დაეჭვება გამოიწვია იმასთან დაკავშირებით, აქვს თუ არა მსგავს მდგომარეობაში მყოფ კანცლერს ქვეყნის მართვის უნარი.

ეს შიშები კიდევ უფრო გაამძაფრა ოთხშაბათს, დანიის პრემიერ-მინისტრთან შეხვედრის ოფიციალურმა ცერემონიამ, რომლის მიმდიანრეობის დროსაც მერკელი, იმის ნაცვლად რომ ფეხზე მდგარიყო, სკამზე იჯდა.

ქრისტიან-დემოკრატიული პარტიის ზოგიერთი წევრი უკვე აყენებს იმ საკითხსაც, რომ ხომ არ იქნებოდა უმჯობესი, მართვის სადავეები მემკვიდრისთვის დაგეგმილ 2021 წელზე ადრე რომ გადაეცა. ამის შესახებ მმართველ პარტიიდან წყარომ როიტერსს აცნობა.

გერმანიის 64 წლის კანცლერმა ბოლო თვეში ოფიციალურ შეხვედრებზე უკვე სამჯერ გადაიტანა აუხსნელი კანკალის შეტევები, რაც ტელეკამერების ობიექტივშიც მოხვდა.

პირველი შემთხვევა უკრაინის პრეზიდენტ ვოლოდიმირ ზელენსკისთან შეხვედრის დროს დაფიქსირდა, მეორე გერმანიის პრეზიდენტთან, ბოლო კი ფინეთის პრემიერ-მინისტრთან შეხვედრისას.

ხუთშაბათს დანიის პრემიერ-მინისტრ მეტტე ფრედერიკსენთან შეხვედრისას, რომელიც ბერლინში გაიმართამ ანგელა მერკელი ჰიმნის შესრულების დროს იჯდა, რაც ჩვეულებრისამებრ მიღებული არაა. ადგილობრივი მედიის ინფორმაციით, პროტოკოლი გერმანული მხარის მოთხოვნით შეიცვალა.

მიუხედავად იმის, რომ ამჯერად ტრემორის არანაირი ნიშნები არ შეუმჩნევიათ და მერკელიც ბევრს იღიმებოდა, საპატიო ყარაულის წინაშე მჯდარი სახელმწიფო მეთაურის ნახვამ მაინც შეშფოთება გამოიწვია.

ანალიტიკოსების მოსაზრებით გერმანიის კანცლერის ჯანმრთელობის მდგოარეობა- ძალიან მნიშვნელოვანი და მგრძნობიარე თემაა საიმისოდ, რომ მომხდარის იგნორირება მოხდეს,