აზერბაიჯანში დღეს პრეზიდენტს ირჩევენ. საარჩევნო უბნები უკვე გაიხსნა. მოსახლეობამ არჩევანი 10 კანდიდატს შორის უნდა გააკეთოს.

მათ შორის არის მოქმედი პრეზიდენტი ილჰამ ალიევი, რომელმაც არჩევნებში მესამედ მონაწილეობის უფლება რეფერენდუმის საშუალებით მოიპოვა.

წინასაარჩევნო გამოკითხვებით, ალიევი დიდი უპირატესობით ლიდერობს თავის კონკურენტებთან შედარებით. ოპოზიცია კი აცხადებს, რომ შედეგები გაყალბდება.

საარჩევნო პროცესს დღეს 100 ქვეყნიდან 1300-მდე საერთაშორისო დამკვირვებელი დააკვირდება.