შეფასებისა და გამოცდების ეროვნული ცენტრისგან EDU.ARIS.GE-მ მასწავლებელთა მხრიდან 2019 წლის ეროვნული გამოცდებზე დაგვიანებებისა და გამოცდიდან მოხსნის შესახებ სტატისტიკა გამოითხოვა.

ორი დღისთვის ეს მონაცემები შთამბეჭდავად გამოიყურება:

“კომპეტენციის დასადასტურებლად დარეგისტრირებული აპლიკანტებიდან 10-11 ივლისს, სამივე სესიაზე, 81%-ზე მეტი გამოცხადდა. პროცესი მშვიდ ვითარებაში მიმდინარეობს. იყო დაგვიანების 9 შემთხვევა. სესიებიდან 3 აპლიკანტი მოიხსნა. ორ შემთხვევაში მოხსნის მიზეზი დამხმარე მასალის გამოყენების მცდელობა გახდა, მესამე შემთხვევაში – არაფხიზელი მდგომარეობა”, – გვიპასუხეს შეფასებისა და გამოცდების ეროვნულ ცენტრში.

„ეს გამოცდები გააუქმონ და ვითომ სერტიფიცირებული მასწავლებლები რომ ჰყავთ იმათ მიხედონ!“ – პედაგოგი გორის საგამოცდო ცენტრიდან

მასწავლებლებმა ჯერ მხოლოდ პროფესიულ უნარებში ჩააბარეს გამოცდა.