ოთხშაბათს გვიან ღამით, საბერძნეთში, ჰალკიდიკის ნახევარკუნძულზე ამოვარდნილმა ქარიშხალმა 6 ტურისტის სიცოცხლე იმსხვერპლა, 30-ზე მეტი კი დაშავდა.

ძლერს ქარს, წვიმა და შტორმი ახლდა თან, სტიქიამ შენობებს სახურავები გადახადა, ამოატრიალა ავტომობილები და დატბორა სასტუმროები. ხელისუფლებამ საგანგებო მდგომარეობა გამოაცხადა, ადგილზე 100-ზე მეტი მაშველი მუშაობს.

დაღუპულთა შორის არიან რუსი ტურისტი და მისი 2 წლის შვილი, რომელთაც მოგლეჯილი ხე დაეცათ, ცოლ-ქმარი ჩეხეთიდან, მათი ავტომობილი ქარიშხალმა ამოატრიალა. რესტორნის ჩამონგრეული სახურავის ქვეშ კი რუმინელი ტურისტი და მისი პატარა გოგონა მოყვნენ.

რეგიონალური სამოქალაქო დაცვის სამსახურის უფროსმა განაცხადა რომ მსგავსი სტიქიური უბედურება საბერძნეთისთვის უპრეცედენტო ფენომენია.