რუსული გამოცემა , ტასის-თვის მიცემულ ინტერვიუში რუსეთის დუმის საერთაშორისო საკითხთა კომიტეტის თავმჯდომარის , ლეონიდ სლუცკის განცხადებით, დუმას, პრეზიდენტსა და მთავრობას ერთიანი ხედვა აქვთ საქართველოსთან დაკავშირებით.

დეპუტატი ინტერვიუში აღნიშნავს, რომ პარლამენტის ქვედა პალატის წინადადება არ ყოფილა სანქციის დაუყოვნებლივ შემოღება. მისი აზრით, ,,მთავრობა უნდა ფიქრობდეს , თუ როგორ მოახდინოს რეაგირება საქართველოს მთავრობის ამა თუ იმ ნაბიჯებზე , თუკი ღმერთმა არ ქნას , ასეთი პოლიტიკა გაგრძელდება’’.

,,პრეზიდენტი შორს იყურება, აკვირდება ორ ხალხს შორის ურთიერთობას. უბრალო ხალხი არ უნდა იტანჯებოდეს რაიმე სახით იმის გამო ,რომ საქართველოს მთავრობაში მუშაობენ ადამიანები, რომლებიც ხელმძღვანელობენ შორეული დასავლეთიდან მოცემული ინსტრუქციებით, რათა მოახდინონ რუსეთის პროვოცირება, რათა შემდგომ ჩვენს ქვეყანას და მის ხელმძღვანელობას მისცენ ნეგატიური შეფასებები’’ ,- განაცხადა დუმის დეპუტატმა, ლეონიდ სლუცკიმ.