"ოცმა ადამიანმა ამიტაცა და სადღაც წამიყვანეს, მიმეორებდნენ, რომ თვითონ არ არიან ჩემს მიმართ მტრულად განწყობილები"

"ოცმა ადამიანმა ამიტაცა და სადღაც წამიყვანეს, მიმეორებდნენ, რომ თვითონ არ არიან ჩემს მიმართ მტრულად განწყობილები" - დავით ბრეძენიშვილის შვილი თავისუფალია

საზოგადოება - 21:40, 08 Jul, 2019

3626

დავით ბერძენიშვილის შვილი, ზუკა ბერძენიშვილი თავისუფალია. მისი თქმით ის დაკავებული არ ყოფილა და და პოლიციამ პარლამენტის შენობის მიმდებარე ტერიტორიიდან განარიდა. როგორც ზუკა ბერძენიშვილი ამბობს, კონტრაქციის წარმომადგენლებთან ერთადერთი თხოვნით მივიდა, რომ ერთად გაეპროტესტებინათ რუსული ოკუპაცია, რა დროსაც ის პოლიციელებმა გაიტაცეს.

„როდესაც ყველანაირი გამოსვლა მათ დაამთავრეს, აქციაზე მათ გააჟღერეს, რომ არიან რუსული ოკუპაციის წინააღმდეგ. ჩვენ ჩავრთეთ მიკროფონი და ამ ადამიანებს მოვუწოდეთ რომ თუ თქვენ თვლით, რომ რუსეთი ოკუპანტია, ვკონცენტრირდეთ ამაზე, იმიტომ რომ ჩვენი აქციაც ამას ეხება და ერთად ვისკანდიროთ საქართველო. ამაზე მოვარდა 20 პოლიციელი, მითხრეს რომ მე ვარ პროვოკატორი და მითხრეს, რომ დამეტოვებინა ტერიტორია. რაზეც მე ვუთხარი რომ კრემლის სპეცრაზმიც რომ მივიდეს ჩემი ნებით არ დავტოვებ მეთქი და მათაც არ დამაყენეს. ოცმა ადამიანმა ამიტაცა და სადღაც წამიყვანეს. მთელი გზა მიმეორებდნენ, რომ თვითონ არ არიან ჩემს მიმართ მტრულად განწყობილები. მეც ვუმეორებდი, რომ ის, ვინც დღეს მათი უფროსია, არის ამ ქვეყნის მტერი,“-განაცხადა ზუკა ბერძენიშვილმა.