რესპოდენტების დიდი ნაწილი ამბობს, რომ ნიკა მელიას წინააღმდეგ არ იმოქმედებდა

რესპოდენტების დიდი ნაწილი ამბობს, რომ ნიკა მელიას წინააღმდეგ არ იმოქმედებდა - IPSOS

საზოგადოება - 21:48, 07 Jul, 2019

1080

"რუსთავი 2"-ის დაკვეთით უმსხვილესმა კვლევითმა კომპანიამ IPSOS-მა სატელეფონო გამოკითხვა ჩაატარა. რესპოდენტებს სხვა კითხვებთან ერთად, პასუხების გაწევა ნიკა მელიას საქმეზეც მოუწიათ.

კითხვაზე: თქვენ რომ ახლა პარლამენტის წევრი ყოფილიყავით, დაუჭერდით თუ არა მხარს ნიკა მელიას წინააღმდეგ მიმართულ ქმედებებს?

18% ამბობს, რომ აუცილებლად დაუჭერდა მხარს მელიას საწინააღმდეგო პროცესებს. თითქმის, 12% ფიქრობს, რომ ასეთი პრინციპული არ იქნებოდა, მაგრამ მაინც მელიას საწინააღმდეგოდ იმოქმედებდა.

თითქმის 15% ამბობს, რომ არ მიემხრობოდა მელიას მოწინააღმდეგეებს, ხოლო უმრავლესობა, 34%-ზე მეტი ამბობს, რომ არავითარ შემთხვევაში არ დაუჭერდა მხარს ნიკა მელიას საწინააღმდეგო ნაბიჯებს. დაახლოებით 18%-მა არ იცის, როგორ მოიქცეოდა, ხოლო 3% უარს ამბობს პასუხზე.

თუ დავაჯამებთ პირველ შედეგებს, მივიღებთ, რომ გამოკითხულთა 30% იმოქმედებდა მელიას საწინააღმდეგოდ, მაგრამ 49%, პირიქით, მას მხარდაჭერას გამოუცხადებდა.

მსგავსი შედეგებია სასამართლოს მიმართებითაც:

თქვენ რომ ახლა სასამართლოში მუშაობდეთ, როგორ მოექცეოდით ნიკა მელიას?

დაახლოებით 29% ამბობს, რომ დაუჭერდა მხარს დეპუტატის საწინააღმდეგო ქმედებებს.
ხოლო 43% ამბობს, რომ არ დაუჭერდა მხარს.

დანარჩენებმა არ იციან ან უარს ამბობენ პასუხზე.

უპასუხოდ დარჩენილ რესპოდენტებს თუ ჩამოვაცილებთ, შედეგი ასეთია:

მოპასუხეთა 40% მოსამართლის ადგილზე წავიდოდა ნიკა მელიას წინააღმდეგ.
მაგრამ უმრავლესობა, 60% არ გადადგამდა დეპუტატის საწინააღმდეგო ნაბიჯებს.

წყარო: რუსთავი2