ჩინეთში, ფუძიანის პროვინციაში წყალდიდობის გამო ათასობით ადამიანის ევაკუაცია განხორციელდა. სტიქია ძლიერმა წვიმამ გამოიწვია, რის შედეგადაც რამდენიმე დასახლება დაიტბორა.

წვიმამ და წყალმა დააზიანა ავტომაგისტრალები, რის გამოც რამდენიმე დასახლებასთან კომუნიკაცია გაწყვეტილია. დაღუპულთა და დაშავებულთა შესახებ ცნობა ჯერ არ ვრცელდება.

სტიქიის ზონაში ამჟამად სამძებრო-სამაშველო სამუშაოები მიმდინარეობს.