ლონდონის ექს-მერი და ბრიტანეთის საგარეო უწყების ყოფილი ხელმძღვანელი, ბორის ჯონსონი, რომელიც ბრიტანეთის პრემიერის პოსტზე ერთ-ერთ ფავორიტად განიხილება, ლიბერალიზმთან დაკავშირებით პუტინის განცხადებას The Telegraph-ის სვეტში პასუხობს. ჯონსონმა პუტინის განცხადებას „კოლოსალური სისულელე“ უწოდა:

„პირდპირ რომ ვთქვათ, ვლადიმირ, მსოფლიოში არიან ქვეყნები, სადაც კაპიტალი, როგორც ამბობენ, თავმოყრილია ოლიგარქებისა და ლიდერის დამქაშების ხელში, სადაც ჟურნალისტებს კლავენ, სადაც „ლიბერალურ ღირებულებებზე“ იცინიან, სადაც „როსსტატის“ მონაცემებით, მოსახლეობის მესამედს ორ წყვილ ფეხსაცმელზე მეტი არ აქვს, ადამიანების 12% კი ქუჩის ტუალეტებში დადის, რეალური შემოსავლები კი 5 წლის განმავლობაში ზედიზედ მცირდება.“- წერს ჯონსონი.

რუსეთის პრეზიდენტმა ვლადიმირ პუტინმა G20-ის სამიტამდე მიცემულ ინტერვიუში ლიბერალიზმზე ისაუბრა და განაცხადა, რომ ლიბერალიზმი მოძველდა, ფუნქცია ამოწურა და ადამიანების უმრავლესობის ინტერესებთან კონფლიქტშია

„ლიბერალები ვერავის ვეღარაფერს უკარნახებენ, როგორც ამას ბოლო ათწლეულების განმავლობაში ცდილობდნენ. ლიბერალური იდეა მოძველდა. ის კონფლიქტშია მოსახლეობის უმრავლესობის ინტერესებთან. ლიბერალური იდეა უშვებს იმას, რომ არაფრის გაკეთება არაა საჭირო.“- განაცხადა პუტინმა.