" ჩემთვის ეს არის გზა შიზოფრენიისკენ, გზა თვითმკვლელობისკენ " - რას ამბობს მაგდა პაპიძე უვადო პატიმრობაზე

საზოგადოება - 22:49, 30 Jun, 2019

4143

ინტერვიუ ციხეში, ქმრისა და შვილის მკვლელობაში ბრალდებულ მაგდა პაპიძესთან. პაპიძე "იმედის კვირასთან" ამბობს, რა შეგრძნება აქვს როცა არის უვადო პატიმარი და მთელი ცხოვრების ციხეში გატარება მოუწევს.

"უვადო პატიმარობა ჩემთვის ეს არის გზა შიზოფრენიისკენ, გზა თვითმკვლელობისკენ " - ამბობს მაგდა პაპიძე და საბედისწერო დღეს იხსენებს.
მისი თქმით იმ დღეს, ძალიან სისტად იყო და ცუდი შეგრძნებები ჰქონდა.

"მე დილიდან სუსტად ვიყავი, არ იცი ეს შეგრძნებები იყო თუ რა იყო, ბავშვიც დილიდან ხელში აყვანას მთხოვდა.

როცა ომარი მოვიდა შუადღეს, ვემზადებოდით მის დასახვედრად. შაბათი იყო, ომარი მოვიდა, გავამზადეთ ყველაფერი. ცუდი განწყობა მქონდა. ავარიის თემაზე მელაპარაკებოდა. მე დილიდან სუსტად ვიყავი, არ ვიცი ეს შეგრძნებები იყო თუ რა იყო, ბავშვიც დილიდან ხელში აყვანას მთხოვდა.

შუადღეს უბნის სალონში გამოვედი, თმა მოვიწესრიგე და დავბრუნდი. ომარს დაურეკა მეგობარმა და ომარი გავიდა და ისაუბრეს. მითხრა, რომ ბექასთან ერთად უნდა წასულიყო და თორნიკესთვის უნდა ეყიდა ხაჭაპური, ან საცხობში რაც მოუნდებოდა" - ამბობს პაპიძე.

ექსპერტიზამ დაადგინა, რომ ომარის სიკვდილი 8 დან 9 საათამდე დადგა. მაგდა პაპიძის თქმით მტკიცებით, ის ამ დროს სახლში იყო და მეორე დღისთვის ემზადებოდა.