პენტაგონის ოფიციალურმა წარმომადგენელმა ჯორჯ ლიტლმა დაადასტურა, რომ ტრიპოლისთან ახლოს აშშ-ს სპეც-სამსახურებმა ტერორისტული ორგანიზაცია „ალ-ქაიდას“ გავლენიანი წევრის შესაპყრობად ოპერაცია ჩაატარეს. დაკავებული ტერორისტი ცნობილია  ანას ალ-ლიბის სახელით (ნამდვილი სახელია - ნაზიჰ აბდ-ალ-ჰამიდ არ-რუჰაი).

აშშ მას ათ წელზე მეტი ეძებდა. მისი დაჭერისთვის ჯილდოდ 5 მილიონ დოლარს

ითავაზებოდნენ. ალ-ლიბი „ალ-ქაიდაში“ მინიმუმ 1994 წლიდან ირიცხებოდა, ის ორგანიზაციის ყოფილი ლიდერის ოსამა ბინ ლადენის ნდობით აღჭურვილი პირი იყო. მიიჩნევენ, რომ 1998 წელს კენიასა და ტანზანიაში აშშ-ს საელჩოებზე თავდასხმის ერთერთი ორგანიზატორი სწორედ ის იყო. ამ ტერორისტულ აქტებს 12 ამერიკელი და 220-ზე მეტი კენიელი ემსხვერპლა.