"რადიო ათინათის" ინფორმაციით, პარლამენტში შენობასთან აქციის დარბევისას ზუგდიდელი ნანა ჯაფარიძე დაშავდა.

დაშავებულის თქმით, მას რეზინის ტყვია სახის არეში სპეცრაზმელმა გამიზნულად ესროლა.

"მოვლენების ეპიცენტრში მოვხვდი, ხალხს გზები ჩაუკეტეს, ვეხვეწებოდით არ ესროლათ. რეზინის ტყვიები წვიმასავით მოდიოდა. ამ დროს თვალში გახურებული რაღაც მომხვდა, ეს რეზინის ტყვია იყო... რამდენიმე წამით გონება დავკარგე, აქციის მონაწილეებმა გამიყვანეს. სასწრაფოს მანქანაში, რომ მიმიყვანეს, ისეთი ვითარება იყო ექიმების დახმარებაზე უარი ვთქვი. ერთმა ბიჭმა გამიწია პირველადი დახმარება, არც კი ვიცი ვინ არის ის ახალგაზრდა... სპეცრაზმელები დამიზნებით ისროდნენ და მეც ასე მესროლეს" - აღნიშნა ნანა ჯაფარიძემ.