ხვალ ბათუმში მეზღვაურთა საერთაშორისო დღისადმი მიძღვნილი კვირეული გაიხსნება!

21-25 ივნისს ბათუმის მასშტაბით მრავალფეროვანი თემატიკით დატვირთული არაერთი ღონისძიებაა დაგეგმილი მათ შორის:

21 ივნისს ბათუმის სახელმწიფო საზღვაო აკადემიის ტერიტორიაზე 12:00 საათიდან გაიხსნება მეზღვაურთა საერთაშორისო დღისადმი მიძღვნილი გარდამავალი თასის ჩემპიონატი ფეხბურთში გარდა ამისა, მთელი დღის განმავლობაში გაიმართება სხვადასხვა სპორტული ღონისძიება საზღვაო სასწავლებლების სტუდენტების მონაწილეობით

22 ივნისი_12:00 საათი, ბავშვთა გამხიარულებაზე ზრუნვას დაეთმობა: ბათუმის ცენტრალური პარკი უმასპინძლებს თეატრალურ წარმოდგენებს, მიმებსა და ანიმატორებს ამავე დროს, გაიმართება გამოფენები, მოეწყობა გასართობი სივრცეები, ატრაქციონები და ნაყინის კუთხეები მუსიკალურ გაფორმებაზე კი მთელი დღის განმავლობაში ბენდი იზრუნებს .

23 ივნისი სპორტული აქტივობებით იქნება დატვირთული: დილის 10 საათზე შეგიძლიათ ბათუმის ბულვარში გამართულ მარათონს შემოუერთდეთ ხოლო ამავე დღეს 17:00 საათზე ცენტრალურ პარკში კაიაკებით შეჯიბრს დაესწროთ.

24 ივნისი შემეცნებითი იქნება: ამ დღეს გაიმართება საზღვაო თემატიკისადმი მიძღვნილი კონფერენციები და სემინარები დატვირთული დღის დასასრულს კი 21:00 საათზე, ბათუმის ცენტრალურ პარკში გაიმართება სპექტაკლი "ზაფხულის ღამის სიზმარი"

მნიშვნელოვანია აღინიშნოს, რომ 21-24 ივნისს დაგეგმილ ღონისძიებებში და მის ორგანიზებაში აქტიურად იყვნენ ჩართულნი საზღვაო აკადემიის სტუდენტები, რომლებმაც უფრო მრავალფეროვანი, ინოვაციური და მიმზიდველი გახადა ეს ღონისძიება.

25 ყველაზე მასშტაბურ და საზეიმო აქტივობებს გვპირდება:

09:30 საათიდან დაიწყება ტრადიციული საზეიმო მსვლელობა ბათუმის ცენტრალური პარკიდან მე-11 ნავმისადგომისაკენ, სადაც გაიმართება ღონისძიების ოფიციალური ნაწილი და სპეციალურად მოწვეული სტუმრები პროფესიულ დღეს მიულოცავენ ქართველ მეზღვაურებს შემდგომ ნავმისადგომის მიმდებარე ტერიტორიაზე გაიხსნება „მეზღვაურთა სკვერი“ ოფიციალური ცერემონიის შემდეგ, ღონისძიება ბათუმის ბულვარის ტერიტორიაზე გაგრძელდება, სადაც 12:00 საათიდან მოსულ სტუმრებს ელოდება საბავშვო გასართობი სივრცე, აწარმოე საქართველოს ბენეციფიარების ჩართულობით მოწყობილი გამოფენა და უამრავი საინტერესო პერფორმანსი: კარნავალი, პანტომიმა, ფლეშ-მობი, ქუჩის ორკესტრი, ანიმატორების შოუ დღის კულმინაცია კი გრანდიოზული გალაკონცერტი იქნება ნიაზ დიასამიძის, 33 ა-ს და სუხიშვილების მონაწილეობით, რომელიც ულამაზესი ფოიერვერკით დასრუდლება 25 ივნისი მეზღვაურთა საერთაშორისო დღეა!

ამავე დღეს, იგეგმება სასწავლო-საწვრთნელი აუზის პროექტის წარდგენა და კაფსულის ჩაგდების ცერემონია. საწვრთნელი აუზი, პრაქტიკულ კურსს უზრუნველყობს მოქმედი მეზღვაურებისათვის და სტუდენტებისათვის.

ასევე, ბათუმის სახელმწიფო საზღვაო აკადემიასა და გერმანიის ფლენსბურგის უნივერსიტეტს შორის გაფორმდება ურთიერთთანამშრომლობის მემორანდუმი, ასევე ამ დღეს გაფორმდება „ურთიერთთანამშრომლობის მემორანდუმი სსიპ - სახელმწიფო ენის დეპარტამენტსა და სსიპ - სასწავლო უნივერსიტეტი ბათუმის სახელმწიფო საზღვაო აკადემიის შორის“, რომელიც გულისხმობს საზღვაო ლექსიკონის შექმნას. ეს ფაქტი მნიშვნელოვანია იმდენად, რამდენადაც დღემდე საქართველოს არ გააჩნია საზღვაო ტერმინთა ლექსიკონი, რომლის შექმნაზწე მუშაობის დაწყება უპირობოდ მნიშვნელოვანი და აღსანიშნავაია.