„ვენდობით შინაგან საქმეთა სამინისტროს და თუ ვინმე მოგვატყუებს, დაპირება შევასრულებთ"

„ვენდობით შინაგან საქმეთა სამინისტროს და თუ ვინმე მოგვატყუებს, დაპირება შევასრულებთ" - ლევან ვასაძე

საზოგადოება - 20:43, 17 Jun, 2019

938

ბიზნესმენმა ლევან ვასაძემ ქუჩებში პატრულირების გაუქმების გადაწყვეტილება მიიღო და ვერის პარკში შეკრებილ თანამოაზრეებს სიმშვიდისკენ მოუწოდა.
„დღეს, შსს გამოაცხადა, რომ არ დაიცავს ე.წ. პრაიდის აქციას და აუკრძალა ორგანიზატორებს მისი ჩატარება. მე მინდა მოვუწონო შინაგან საქმეთა სამინისტროს და ბატონო მინისტრს ეს ბრძნული და სახელმწიფოებრივი აზროვნების გადაწვეტილება. მე მინდა მადლობა გადავუხადო მას ამისთვის ვუთხრა, რომ თუმცა იმის გამო რომ ე.წ. პრაიდის ორგანიზატორებს ჯერ არ გამოუცხადებიათ რომ არ ჩაიდენენ ამ უმსგავსობას, ჩვენ არ მოვდუნდებით და ამ საქმეს ბოლომდე მივიყვანთ,“ - განაცხადა ლევან ვასაძემ.

ვასაძის თქმით, იმ შემთხვევაში, თუკი მოქალაქეები შინაგან საქმეთა სამინისტროს გადაწყვეტილებას არ დაემორჩილებიან და ქუჩებში გავლენ, ყველაფერს გააკეთებენ, რათა „თბილისი პრაიდი“ არ ჩატარდეს.

„ჩვენ არ მოვახდენთ ქუჩების პატრულირებას, ვენდობით შინაგან საქმეთა სამინისტროს. ჩვენი ჯგუფები შედგენილია, მზადყოფნაშია და თუ ვინმე მოგვატყუებს, დაპირება შევასრულებთ. იქ გავჩნდებით, სადაც ადამიანები სამინისტროს რეკომენდაციას არ დაემორჩილებიან და მივაბრძანებთ იქიდან. ჩვენ წყნარ რეჟიმში, ვლოცულობთ ვეცდებით, რომ ამ კვირამ ჩაიაროს მშვიდობიანად" - ამბობს ვასაძე.