ვენესუელის პრეზიდენტმა, ნიკოლას მადურომ 2019 წლის მაისში რუსეთთან 209 მილიონი დოლარის ღირებულების სამხედრო კონტრაქტი გააფორმა, რომლის შესახებ საკუთარი ტვიტერის გვერდზე წერს დონალდ ტრამპის მრჩეველი ეროვნული უსაფრთხოების საკითხებში, ჯონ ბოლტონი.

მისი აზრით, ვენესუელა საკუთარი რესურსების არასწორად გამოყენებას ახდენს და დიდ ფულს ხარჯავს რუსეთისგან ე.წ ,,მხარდაჭერის საყიდლად’’, როცა ასიათასობით ვენესუელელი შიმშილობს. იგი აცხადებს, რომ ქვეყანას სჭირდება დემოკრატიული მმართველობა და არა რეპრესიები.

ვლადიმერ პუტინის პრესმდივანმა, დიმიტრი პესკოვმა აღნიშნა, რომ მესამე ქვეყნები არ უნდა ერეოდნენ და ღელავდნენ მოსკოვისა და კარაკასის ურთიერთობებზე.