ეპატაჟური და სკანდალური ქუთაისელი ჟურნალისტი, თეა ჩეჩელაშვილი, 25 წლიანი პროფესიული საქმიანობის შემდეგ იძულებული გახდა, მედიის სფეროდან წამოსულიყო. მისი თქმით, ხელფასი კომუნალურ გადასახადებს ძლივს სწვდებოდა, ამიტომ საავტორო გადაცემა დახურა და თავის გადასარჩენად ეზოთერიკას მიმართა.

„როგორც იტყვიან, გამოუვალი მდგომარეობა არ არსებობს. თუ ერთი წიგნი არ მოგწონს და გადაიღალე მისი 900-ჯერ წაკითხვით, დაკეცე და თაროდან ახალი ჩამოიღე. დადგა დრო, მეც ახალი ფურცლები გადავშალო. ახალი გატაცება მაქვს, რომელმაც ამ რთული პერიოდის დროს გადამარჩინა. პრინციპში, უკვე 2 წელია ვემზადები და შედეგი მივიღე. უბრალოდ ახლა გამომადგა მთელი პრაქტიკულობით და ზოგადად ღრმა დატვირთვით. ეს არის ეზოთერიკა და მისი ერთ-ერთი დიდი მეგობარი და დოკუმენტალისტი - ტაროლოგია. ხალხში უფრო მარტივი გასაგები, რომ იყოს ტაროს კიარტს ეძახიან“ - ამბობს ყოფილი ჟურნალისტი ჟურნალ „სარკესთან“ საუბრისას.