უკრაინის სახელმწიფო სასაზღვრო სამსახურმა უკრაინა-რუსეთის სასაზღვრო პუნქტი გაძლიერებულ რეჟიმზე გადაიყვანა.

როგორც „ინტერფაქსი“ იტყობინება, რუსეთის მხრიდან უკრაინაში შემავალმა მამაკაცმა, საპასპორტო კონტროლის გავლისას, ასაფეთქებელი მოწყობილობა მოქმედებაში მოიყვანა.

არსებული ინფორმაციით, რუსეთიდან უკრაინაში შესასვლელად მიემართებოდა მიკროავტობუსი მოლდავური ნომრით, რომელშიც 4 მგზავრი - მოლდავეთის მოქალაქე იჯდა.

დათვალიერების დროს, მანქანაში აღმოჩნდა კიდევ ერთი მამაკაცი, რომელიც სალონში იმალებოდა. წინასწარი დადგენით, მან რუსული გამშვები პუნქტი, ასეთი მეთოდით უპრობლემოდ გადალახა.

საპასპორტო კონტროლის ოთახში დამატებითი შემოწმების დროს, უცხო პირმა თავი აიფეთქა.

„ინციდენტის შედეგად, სამართალდამრღვევი დაიღუპა, ორი მესაზღვრე კი მძიმე მდგომარეობაში იმყოფება“, - იუწყება სასაზღვრო პუნქტი.