ყაზბეგში ვერტმფრენი ჩამოვარდა. უბედური შემთხვევის დროს, დაიღუპა 3 ადამიანი. ვერტმფრენი კომპანია "ავიატორ პლიუსის" ეკუთვნოდა, ერთ-ერთი დაღუპული კი, მფრინავი ილიკო ბაიდააშვილია.

მომხდართან დაკავშირებით კომენტარი გააკეთა დაღუპული პილოტის მეწყვილემ, რომელმაც აღნიშნა, რომ მფრინავი გაუმართავი ვერტმფრენით არ დაფრინავს.

„ჩვენ, ისევე როგორც თქვენ, ველოდებით გამოძიების პასუხს. იმიტომ მოდის ჯგუფი, რომ დაადგინოს ყველაფერი, ეგენი არიან ექსპერტები. ეგეთი რამე არ არსებობს ბუნებაში, რომ მფრინავმა ვიღაც სამოქალაქო წაიყვანოს ან შესამოწმებელ ფრენაზე ან სასწავლოზე და მითუმეტეს დასახლებული პუნქტის თავზე იფრინოს. ილიკო თვითონ იყო მფრინავი და მფრინავი გაუმართავი ვერტმფრენით არ დაფრინავს" - აღნიშნავს დაღუპული პილოტის მეწყვილე.