7 ივნისს, 17:00 საათზე, თბილისის სახელმწიფო უნივერსიტეტის მუზეუმში გაიხსნება მხატვარ ავთანდილ აშვეთიას ნამუშევრების პერსონალური გამოფენა. გამოფენა ეძღვნება საქართველოსა და ლატვიის დამოუკიდებლობის 100 წლის იუბილეს. მასზე წარმოდგენილი ფერწერული ტილოები წლების მანძილზე შეიქმნა რიგაში მოღვაწე ქართველი მხატვრის მიერ. დამთვალიერებელი იხილავს ქართულ და ლატვიურ თემაზე შექმნილ ფერწერულ ტილოებს.

გამოფენას ლატვიის რესპუბლიკის საგანგებო და სრულუფლებიანი ელჩი საქართველოში ინგრიდა ლევრენცა, თსუ სტუდენტები, პროფესორები, მოწვეული სტუმრები დაესწრებიან.

მისამართი: ი. ჭავჭავაძის გამზირი 1, III სართული, მუზეუმის საგამოფენო დარბაზი