ახალციხეში ხაშურის ქუჩაზე მცხოვრების ავტომანქანაში გველი შეძვრა, რომელიც ვერ გამოჰყავდათ - ინფორმაციას ამის შესახებ "სამხრეთის კარიბჭე" ავრცელებს.

მეპატრონეს თქმით, ქვეწარმავალი ავტოფარეხის კართან იყო გაწოლილი და საბურავიდან მანქანაში შეძვრა: „საბურავზე აცოცდა. დავქოქე და გამოვიყვანე, მეგონა ჩამოვარდებოდა. მეზობელი უყურებდა, მაგრამ გამოსული არ დაუნახავს. მანქანაშია სადღაც“.

ადგილზე სამაშველო სამსახურის ჯგუფი მუშაობს. ისინი მანქანის საბურავის მოხსნას ცდილობენ. ავტომანქანაში შეასხურეს ქვეწარმავლების საწინააღმდეგო ხსნარიც.

„თუ არ დავინახე, რომ გამოიყვანეს, ისე ვერ დავჯდები მანქანაში“, - ამბობს მეპატრონე.

მისივე თქმით, ქვეწარმავალი ამ უბანში გასულ წლებშიც უნახავთ სავარაუდოდ, იგი მდინარის ნაპირიდან ამოდის.