ნეიმარს თანამემამულე გოგონა გაუპატიურებაში ადანაშაულებს

მსოფლიო - 14:33, 02 Jun, 2019

1095

ფეხბურთის ვარკვლავს, ბრაზილიელ ნეიმარს თანამემამულე გოგონა გაუპატიურებაში სდებს ბრალს. ფეხბურთელი აცხადებს, რომ მას გოგონაზე სექსუალურად არ უძალადია და ამ ყველაფრის უკან მისთვის ფულის გამოძალვის სურვილი დგას.

გოგონა, რომელმაც ნეიმარს სან-პაულოს პოლიციაში უჩივლა, აცხადებს, რომ ფეხბურთელი ინსტაგრამში გაიცნო და მასთან მიმოწერა ჰქონდა. ცოტა ხნის შემდეგ, ნეიმარმა გოგონა პარიზში დაპატიჟა, ბილეთი აუღო და სასტუმრო Sofitel Paris Arc Du Triomphe-ში ნომერიც დაუჯავშნა.

გოგონას განცხადებიუთ, ნეიმარი 2019 წლის 15 მაისს სასტუმროშ მთვრალი მივიდა. მათ ისაუბრეს და ხვევნა-კოცნა დაიწყეს.

"შემდეგ ნეიმარი აგრესიაზე გადმოვიდა და ძალის გამოყენებით, ჩემი სურვილის საწინააღმდეგო, ჩემთან სექსუალური კავშირი დაამყარა," - ნატქვამია გოგონას მიერ პოლიციისთვის მიცემულ ჩვენებაში.

აღსანიშნავია, რომ გოგონა სამშობლოში 2 დღის შემდეგ დაბრუნდა, თუმცა, ე.წ. ძალადობის შესახებ დაბრუნებიდან რამდენიმე დღის შემდეგ განაცხადა, რადგან, მისი თქმით ემოციური სტრესის ქვეშ იმყოფებოდა.

ამ ბრალდებისთვის ნეიმარს, რომელიც სანაკრებო შეკრებაზე ბრაზილიაში იმყოფება, თავიდან ყურადღება არ მიუქცევია, თუმცა, 1 ივნისს, ნეიმარის მამამ ადგილობრივ ტელეარხ Band TV-ს განუცხადა, რომ მის ვაჟს მახეს უგებენ.

"ჩვენ სწრაფად უნდა ვანახოით საზოგადოებას, რომ ეს ცრუ ბრალდებაა, წინააღმდეგ შემთხვევაში ეს ამბავი ზვავივით აგორდება. თუ საჭირო გახდა, მზად ვართ ნეიმარისა და გოგონას WhatsApp-ის მიმოწერა გამოვაქვეყნოთ," - აცხადებს ნეიმარ-უფროსი.