კრემლის სოციოლოგიური მანიპულაციები და პუტინის ნდობის "გაზრდილი" რეიტინგი

მსოფლიო - 16:42, 31 May, 2019

937

ათიოდე დღის წინ რუსული მედია იუწყებოდა, რომ ვლადიმერ პუტინს, ხელისუფლებაში ყოფნის განმავლობაში ნდობის ყველაზე დაბალი რეიტინგი 31% დფაუფიქსირდა. ამ ფონზე მონაცემი რომელიც რუსეთის საზოგადოებრივი აზრის კვლევის ცენტრმა გამოაქვეყნა. მსოფლიოს გაოცება გამოიწვია. ახა;ოი მ,ონაცემით, პუტინს რუსეთის მოსახლეობის 72% ენდობა.

ახალი კვლევა ცენტრმა მას შემდეგ ჩაატარა, რაც პუტინის პრესმდივანმა, დიმიტრი პესკოვმა მის ხელმძღვანელობას სიტუაციის ანალიზი დააბალა.

ექსპერტები თვლიან, რომ ეს რადიკალური განსხვავება კითხვარის ახლებულად შედგენამ გამოიწვია.

ადრე სოციოლოგები რესპოდენტებს სთხოვდნენ ეპასუხათ კითხვაზე - "რომელ პოლიტიკოსს ენდობით?" და მათ სთავაზობდნენ თავად დაესახელებინათ პოლიტიკოსების სახელი. ამ კითხვის შესაბამისად დასახელებულთა სიაში მოხვდნენ ალექსეი ნავალნი და ქსენია სობჩაკი, ხოლო პუტინი გამოკითხულთა 31 პროცენტმა დაასახელა.

ახალი კითხვარი ე.წ. დახურული ფორმის იყო:

"დაასახელეთ, ამ პოლიტიკოსებიდან რომელს ენდობით ან არ ენდობით?" და ჩამოთვლილი იყო 5 მათგანი:

- ვლადიმერ პუტინი

- დიმიტრი მედვედევი

- ვლადიმერ ჟირინოვსკი,

- გენადი ზიუგანოვი

- სერგეი მირონოვი.

შედეგმაც არ დააყოვნა - დასახელებულებიდან პუტინმა დიდი უმრავლესობით - 72$-ით გაიმარჯვა.