„აქოლისის“ სამუშაო შეხვედრა გაიმართა ჟურნალისტებთან

საზოგადოება - 16:33, 27 May, 2019

685

ქალაქმცხეთის სივრცით-ტერიტორიული განვითარების მართვის დოკუმენტაციის შემუშავების პროცესი აქტიურად მიმდინარეობს. ამხანაგობა „აქოლისი“ დაინტერესებულ მხარეებთან ინტენსიურ შეხვედრებს განაგრძობს და მათ მოსაზრებებს ისმენს.

ერთ-ერთი ასეთი შეხვედრა, 25 მაისს, მედიის წარმომადგენლებთან შედგა. მედიატურს საინფორმაციო სააგენტოსა და ტელევიზიის ჟურნალისტები ესწრებოდნენ. შეხვდრა ორი ნაწილისაგან შედგებოდა.

თავდაპირველად, ამხანაგობა „აქოლისის“ თავმჯდომარე აკაკი ზერეკიძემ ჟურნალისტებს „აქოლისის“ საქმიანობა, ჩატარაებული სამუშაოები და სამომავლო გეგმები გააცნო. ხოლო, შემდეგ ჟურნალისტებმა ქალაქგეგმარებითი ჯგუფის წარმომადგენლის ლადო ვარდოსანიძის მოხსენებამოისმინეს სახელწოდებით - „ქალაქგეგმარების მნიშვნელობა ქალაქ მცხეთის მაგალითზე“.

სივრცითი დაგეგმარების საერთაშორისო ექსპერტმა პაატა შანშიაშვილმა ჟურნალისტებს ქალაქგეგმარებითი საკითხების გაშუქების სპეციფიკა და ამ მიმართულებით საერთაშორისო გამოცდილება გააცნო. მედიატურის პირველი ნაწილი, ნინო ანთაძის მოხსენებით დასრულდა. იგი დამსწრეებს ექსპერტთა საერთაშორისო შეხვედრის კონცეფციასა და საბოლოო რეკომენდაციებზე ესაუბრა.

მედიატურის მეორე ნაწილი „უცნობი მცხეთის“ მონახულებას გულისხმობდა. ჟურნალისტებმა ხელოვნებათმცოდნეობის ისტორიკოსთან ქეთი აბაშიძესთან ერთად მცხეთის კალოუბნის წმინდა გიორგის ეკლესია და კარსნის ღვთისმშობლის ტაძარი მოინახულეს.