ლე პენმა საფრანგეთში მაკრონი დაამარცხა - ევროპარლამენტის არჩევნების შედეგები ცნობილია

მსოფლიო - 15:19, 27 May, 2019

1136

ევროკავშირში საპარლამენტო არჩევნები დასრულდა - უკვე ცნობილია, როგორი იქნება მომავალი ხუთი წლის განმვლობაში ევროპარლამენტის შემადგენლობა. საპარლამენტო არჩევნები ევროკავშირის 28 ქვეყანაში 23 მაისიდან მიმდინარეობდა. შედეგები გუშინ გვიან ღამე გახდა ცნობილი, 427-მა მილიონმა ადამიანმა 751 ევროპარლამენტარი აირჩია. მანდატების რაოდენობით პირველ ადგილზე კვლავ ევროპის სახალხო პარტიაა (182 მანდატი), თუმცა, წინა მოწვევისგან განსხვავებით მათ ნაკლები დეპუტატი ეყოლებათ,. ადგილები დაკარგა სოციალისტების გაერთიანებამაც (147). რაც შეეხება ლიბერალ-დემოკრატებს, მათ 110 მანდატი ერგოთ. სამაგიეროდ, არჩევნებში წარმატებას მიაღწიეს ულტრამემარჯვენეებმა და ე.წ. "ევროსკეპტიკოსებმა".

საიტერესო შედეგები დაფიქსირდა ქვეყნების მიხედვითაც.

დიდ ბრიტანეთში გაიმარჯვა ბრექსიტის ახალმა პარტიამ, რომელსაც ნაიჯელ ფარაჯი მეთაურობს და ბრიტანეთიოსთვის გამოყოფუკუ 64 ადგილიდან 28 მოიპოვა. თუმცა აღსანიშნავია, რომ იმ პარტიებმა, რომლებიც ახალი რეფერენდუმის დანიშვნას და ბრექსიტის გაუქმებას მოითხოვენ, ჯამში 40% მიირეს (ლიბერალ-დემოკრატები 15 ადგილი, ლეიბორისტები - 10, მწვანეები - 7).

შოკისმომგვრელი იყო არჩევნების შედეგები საფრანგეთში, სადაც პირველ ადგილზე ულტრამემარჯვენე მარი ლე პენის პარტია გავიდა და ემანუელ მაკრონის პარტიას გაუსწრო.

იტალია მოულოდნელი არაფერი მომხდარა, აქ როგორც მოსალოდნელი იყო პოპულისტმა ულტრამემარჯვენემ, მატეო სალვინიმ გაიმარჯვა.

უნგრეთში ასევე წარმატებას პრემიერ-მინისტრ ვიქტორ ორბანის პარტიამ მიიღო.

ექსპერტები ვარაუდობენ, რომ ულტრამემარჯვენეებმა და ევროსკეპტიკოსებმა შესაძლოა ბლოკი შეკრან.

სამაგიეროდ, გერმანიაში ანგელა მერკელის პარტიამ მიაღწია წარმატებას, ხოლო მეორეზე მწვანეები გავიდნენ.

დამარცხება განიცადა საბერძნეთის პრემიერის ციპრასის პარტიამ, რის გამოც მან ქვეყანაში რიგგარეშე არჩევნებიო დანიშნა, რომელიც სავრაუდოდ 30 ივნისს გაიმართება.