თბილისში, იაშვილის ქუჩაზე საპატრიარქოს ანტინარკოტიკული ცენტრის ყოფილ შენობაში 30-მდე სოციალურად დაუცველი და დევნილი ოჯახი შეიჭრა.

ადგილზე იმყოფეობა საპატრულო პოლიციის ეკიპაჟები, რომელთა მოთხოვნის მიუხედავად შეჭრილმა ოჯახებმა საცხოვრებელი კორპუსი არ დატოვა.

ისინი ადგილზე მთავრობის წარმომადგენლების მისვლას ითხოვენ.

„როცა ხმები სჭირდებათ, მოდიან, მოგვეფერებიან, როცა არ სჭირდებათ ხმები არავის ახსოვხარ. ამ შენობას ცეცხლის ალში გავხვევ, არ მაინტერესებს ,სანამ არ მოვა მთავრობა და ჩვენ ადამიანურად არ გაგვცემს პასუხს" - აღნიშნა ერთ-ერთმა დევნილმა.