რუსეთის პრეზიდენტი ვლადიმერ პუტინი მსოფლიო ხალხთა სულიერი ერთობის საერთაშორისო აკადემიამ ნობელის პრემიაზე წარადგინა.

აკადემიის პრეზიდენტის გეორგი ტრაპეზნიკოვის განცხადებით, ”ნობელის კომიტეტს წერილი 16 სექტემბერს” გაუგზავნეს. 

”ჩვენ კარგად ვიცით როგორი სამშვიდობო როლი შეასრულა ჩვენმა პრეზიდენტმა ისეთ მძიმე რაიონებში როგორებიც არის ბესლანი, სამხრეთ ოსეთი.”-განაცხადა ტრაპეზნიკოვმა. 

ნობელის კომიტეტისადმი მიმართვას ხელი სახელმწიფო სათათბიროს დეპუტატმა იოსიფ კობზონმაც მოაწერა, ეს გადაწყვეტილება კი ასე ახსნა:

„თუ ამერიკის პრეზიდენტს ბარაკ ობამას, რომელიც სირიაში ომისათვის ემზადება, ეს პრემია უკვე აქვს, მაშინ ჩვენი პრეზიდენტი, რომელიც სისხლისღვრის შეჩერებას ცდილობს, უფრო იმსახურებს აღნიშნულ პრემიას“.

შეგახსენებთ, რომ მიმდინარე წლის სექტემბერში ნობელის პრემიაზე პუტინის კანდიდატურის წარდგენის წინადადებით რუსეთის განათლების ფონდის ხელმძღვანელი სერგეი კომკოვიც გამოვიდა.