რა ქონებას ფლობს უკრაინის ახალი პრეზიდენტი საქართველოში

მსოფლიო - 18:11, 20 May, 2019

8203

უკრაინის ახალმა პრეზიდენტმა ვოლოდემირ ზელენსკიმ ინაუგურაციის დღესვე თავისი დეკლარაცია გამოაქვეყნა. დეკლარაციის ერთერთ პუნქტში აღნიშნულია, რომ იგი საქართველოში უძრავ ქონებას ფლობს - 10 ნომერს ერთერთ მშენებარე სასტუმროში.

ზელენსკიმ გასულ წელს თავის ძირითად სამუშაო ადგილას - სტუდია "Квартал 95"-ში 4,2 მილიონი გრივნა (დაახლოებით 160 000 დოლარი), ხოლო სხვა წყაროებით კიდევ 5,5 მილიონი გრივნა (210 000 დოლარი) გამოიმუშავა.

ასევე მის და მისი მეუღლის მფლობელობაშია:

- სახლი და მიწის ნაკვეთი კიევის ოლქში;
- 4 ბინა კიევში;
- ბინა ყირიმში;
- ორი ბინა კიევში (მესამე პირის საკუთრებაში);
- ორი საპარკინგე ადგილი კიევში;
- საპარკინგე ადგილი ყირიმში;
- ორი საპარკინგე ადგილი კიევში (მესამე პირის საკუთრებაშია);
- ორი არასაცხოვრებელი ფართი კიევში;
- ორი სახლი იტალიაში;
- ორი ბინის იჯარა დიდ ბრიტანეთში;
- 10 ოთახი სასტუმროში, საქართველოში (მშენებარე).

საპრეზიდენტო წყვილის დეკლარაციაშია ორი ავტომობილი (Range Rover и Mercedes-Benz S 500), 6 წყვილი საათი. მან ასვე დაადეკლარირა ნაღდი ფული - 190 000 დოლარი და 107 000 ევრო. მის საბანკო ანგარიშებზეა საერთო ჯამში 570 000 დოლარი და მილიონი გრივნა (38,2 ათასი დოლარი). იგი ფლობს საკუთრებაში კომპანიებს "Киноквартал"-სა და "Студия квартал-95"-ს.

მას აქვს კორპორატიულ მფლობელობაში სხვა პირებთან ერთად კომპანიები "Квартал-концерт", "Гауди студио", "Инвест анима", "Фиш-хаус".

ასევე, მან დაადეკლარირა 3 გამოგონება და რამდენიმე ათეული სავაჭრო მარკა.