თბილისში, საპატრიარქოს მიერ დაწესებული ოჯახის სიწმინდის დღის აღნიშვნასთან დაკავშირებით მსვლელობა იმართება. სახალხო მსვლელობა, რომელიც რესპუბლიკის (ვარდების) მოედნიდან დაიწყო სამების საკათედრო ტაძართან დასრულდება. სადაც სრულიად საქართველოს კათოლიკოს-პატრიარქი გადაიხდის პარაკლისს, დალოცავს ხალხს და სრულიად საქართველოს. მსვლელობა დაიწყება 17:00 საათზე და დასრულდება კონცერტით, რომელიც პარაკლისის შემდეგ გაიმართება.

ოჯახის სიწმინდის დღე 2014 წელს დაწესდა, 2013 წლის 17 მაისის მოვლენების ერთ წლისთავზე. 2013 წლის 17 მაისს ჰომოფობიის წინააღმდეგ ბრძოლის დღის აღსანიშნავად გამოსულ სამოქალაქო აქტივისტებს, გარკვეული სასულიერო პირები და დაჯგუფებები ფიზიკურად გაუსწორდნენ.