გურჯაანის მუნიციპალიტეტის მერის წარმომადგენელს სოფელ ჩუმლაყში ფიზიკურად გაუსწორდნენ. ზაზა რუაძეს დაზიანება თავის არეში აქვს მიყენებული. ინფორმაციას ამის შესახებ knews.ge ავრცელებს.

დაპირისპირება სოფლის ხელმძღვანელს ჩუმლაყელ ძმებთან - დავით და ბაჩანა ბერულაშვილებთან მოუვიდა. ინციდენტი სოფელში მიმდინარე ინფრასტრუქტურულ სამუშაოს მოჰყვა.

ე. წ. ბაღის უბნის რეაბილიტაციის ფარგლებში, გზის გათხრის დროს, გათხარეს, ბერულაშვილების კუთვნილი წყლის მილი დაზიანდა. მის აღდგენამდე, ბერულაშვილები უბანში წყლის მიწოდების შეწყვეტას მოითხოვდნენ, რასაც ჯერ სიტყვიერი, შემდეგ კი ფიზიკური დაპირისპირება მოყვა.

თავად ზაზა რუაძე მომხდარ ფაქტს ადასტურებს, ბერულშვილები კი ფიზიკური შეურაცხყოფის ფაქტს უარყოფენ. პოლიციამ საქმეზე გამოძიება ძალადობის მუხლით დაიწყო.