3 შეიარაღებული პირი პაკისტანის სამხრეთ-დასავლეთით ქალაქ გვადარში მდებარე 5 ვარსკვლავიან სასტუმროს Pearl Continental-ს დაესხა თავს. ხელისუფლების ინფორმაციით დაღუპულია მინიმუმ ერთი ადამიანი- სასტუმროს დაცვა. აღნიშნული სასტუმრო პოპულარულია უცხოელ ტურისტებსა და ბიზნესმენებში. რამდენი ადამიანი იმყოფება ამ დროისთვის სასტუმროში უცნობია, ხელისუფლების თქმით, სასტუმროს მაცხოვრებლების უმრავლესობის ევაკუაცია მოხერხდა.

თავდასხმაზე პასუხისმგებლობა სეპარატისტულმა ორგანიზაციამ ბელუჯისტანის გამათავისუფლებელმა არმიამ აიღო, მათი თქმით, სამიზნეებს ჩინელი და სხვა უცხოელი ინვესტორები წარმოადგენდნენ. „ბიბისის“ ინფორმაციით, შენობაში სროლის ხმა ისმის, შეიარაღებულ პირებმა სამართალდამცველებს ცეცხლი გაუხსნეს. მათ შორის დაპირისპირება ამ დრომდე გრძელდება.