ე.წ. „საქართველოს უკვდავი პოლკი“ 9 მაისის აღნიშვნას აპირებს. აღნიშნულ აქცია–მსვლელობაში მონაწილეობის მიღებას პრორუსული ორგანიზაციები გეგმავენ.

“არა პუტინის მარშს საქართველოში!” - პრორუსული და მოსკოვიდან მართული მსვლელობის საწინააღმდეგოდ თბილისში კონტრაქცია გაიმართება.

შეკრების ინიციატორები “უკვდავ პოლკს” პუტინის პროპაგანდისტული რეჟიმის პროექტად მიიჩნევენ, რომელიც ოკუპანტი სახელმწიფოს რბილი ძალის ერთ-ერთი ფორმაა.

"იმართება უპერეცედენტო შეკრება საქართველოს ქალაქებში და კრემლი ამას იყენებს რომ მსოფლიოს დაანახოს რომ საქართველო ისევ პოსტსაბჭოთა ნაწილია, ამიტომ ჩვენ ვეცდებით რომ ვიყოთ მეტნი, გვქონდეს სწორი მესიჯები რომ ისე გაშუქდეს ეს ყველაფერი, დაინახოს ევროპამ რომ ჩვენ ვართ ცივილიზებული სამყაროს ნაწილი და არა კრემლის,"-აცხადებს სამოქალაქო მოძრაობის ”რუსეთი ოკუპანტია” დამფუძნებელი ანა ჭარხალაშვილი.