პანკისის ხეობაში ჩატარებული სპეცოპერაციისას მოკლული თემირლან მაჩალიკაშვილის დედა სახელმწიფო უსაფრთხოების სამსახურის შენობასთან იმყოფება. მედიკო მარგოშვილი სუს-ის უფროსთან ვახტანგ გომელაურთან შეხვედრას ითხოვს.

იგი ჟურნალისტებთან საუბრისას გამოეხმაურა სახელმწიფო უსაფრთხოების სამსახურის განნცხადებას. სუს-ი მიიჩნევს, რომ მალხაზ მაჩალიკაშვილი ტერორისტულ აქტს გეგმავდა:

„წარმოდგენა არ მაქვს, რა ტერორისტული აქტი? ეგ ტერორისტული აქტი არ მოაკლდეს ამის გამავრცელებელს, ჩემი შვილის მკვლელს თვალებს ამოვთხრიდი, მაგის გულისთვის უნდა დამაკაონ? გოგაშვილს იმ თვალებს ამოვთხრიდი, ეგ ტერორისტული აქტია? ამათ სწყურიათ ტერორისტული აქტები, ჩვენ არ ვართ ტერორისტები და არ ვზრდით ტერორისტებს, რატომ ავრცელებენ ამ სისაძაგლეებს, ჩვენი აყრა უნდათ იმ ხეობიდან?“, - განაცხადა მედიკო მარგოშვილმა.