საპარლამენტო უმრავლესობის წევრმა გუგული მაღრაძემ, ტელეკომპანია იმედის რუბრიკაში „პირადი ნივთები“ მისი და თურქი ვარსკვლავის მურატ ილდირიმის ნაცნობობის და ერთობლივი ფოტოს შესახებ ისაუბრა. დეპუტატის თქმით, მას ისეთი ტიპის მამაკაცები მოწონს, როგორიც მურატ ილდირიმის ეკრანული გმირი სავაშ ბალდარია

„მაშინ ფეხზე გავიკეთე ოპერაცია, მენისკი გამიწყდა, ვიწექი თვენახევარი და ამ დროს გადიოდა ეს ფილმი და ეს ფილმი მაქვს ნანახი ნამდვილად. ჩამოსული იყო, ვუთხარი, რომ ერთადერთი სერიალი რაც ნანახი მაქვს შენი სერიალია მეთქი და მაშინ გადავიღეთ ეს სურათი. ეკრანზე უფრო სიმპათიურია, რა ტიპსაც თამაშობს ისეთი ტიპის მომწონს, თავისთავში დარწმუნებული, ძლიერი, გადაწყვეტილების მიღება რომ შეუძლია, ცხადია ეს ყველას მოწონს.“- განაცხადა გუგული მაღრაძემ.