ავიაკომპანია „აეროფლოტის“ თვითმფრინავის Sukhoi Superjet 100-95-ის კატასტროფას ბოლო მონაცემებით 41 ადამიანი ემსხვერპლა. თვითმფრინავის ბორტზე, რომელიც რეისს მოსკოვიდან მურმანსკში ასრულებდა, 73 მგზავრი და ეკიპაჟის 5 წევრი იყო. დაღუპულთა შორის არიან ბავშვები, ეკიპაჟის წევრი და აშშ-ის მოქალქე.

შერემეტიევოს აეროპორტიდან აფრენიდან მალევე თვითმფრინავის ეკიპაჟმა საგანგებო დაშვების ნებართვა ითხოვა. რთული მეტეოროლოგიური პირობების გამო, თვითმფრინავმა დაჯდომა მხოლოდ მეორე ცდაზე შეძლო. დაჯდომისას ლაინერი ორჯერ დაეჯახა ასაფრენ ბილიკს. მოსკოვის შერემეტიევოს აეროპორტის ადმინისტრაციაში აცხადებენ, რომ სამგზავრო თვითმფრინავს ცეცხლი ავარიული დაშვებისას გაუჩნდა. მომხდარის მთავარ მიზეზად მეხის დაცემა განიხილება. უკვე ამოღებულია ე.წ "შავი ყუთი".

როგორც ინტერფაქსი წყაროზე დაყრდნობით წერს თვითმფრინავის ბოლო ნაწილში მგზავრების დაღუპვის მიზეზი შესაძლოა გამხდარიტო, რამდენიმე მგზავრის მცდელობა, რომ თაროებიდან ბარგი აეღოთ, რამაც მგზავრების გარეთ გამოსვლა შეაფერხა.

მურმანსკის ოლქში სამდღიანი გლოვა გამოცხადდა.