ყალბი ღიმილი სტრესს იწვევს - ფსიქოლოგების დასკვნა

საზოგადოება - 21:09, 04 May, 2019

2830

ფსიქოლოგების განცხადებით, ყალბი ღიმილი სტრესს იწვევს, როგორც ყალბად მომღიმარი ადამიანისთვის, ასევე ასევე მისთვისაც, ვინც მას უყურებს.

კვლევამ აჩვენა, რომ ადამიანებს, რომლებიც სამსახურში ყალბად უღიმიან ერთმანეთს, საღამოს ალკოჰოლის მიღება უნდებათ ყალბი ღიმილით გამოწვეული სტრესის დასაძლევად. რაც უფრო ყალბები არიან ადამიანები ერთმანეთის მიმართ სამსახურში, მით უფრო მძიმე ფსიქოლოგიური მდგომარეობა აქვთ დღის ბოლოს, უფრო დაღლილები არიან და თავს ცუდად გრძნობენ.მკვლევარების განცხადებით როცა ადამიანი ცუდად გრძნობს თავს, უფრო მეტად უნდება ალკოჰოლის მიღება. სწორედ ამიტომ , მას ვინც ყალბად იღიმის, ან ვისაც მთელი დღის განმავლობაში ყალბად უღიმიან, ალკოჰოლისადმი მიდრეკილება უყალიბდება.

„თუ მთელი დღის განმავლობაში მომხმარებელს ყალბად უღიმით, ეს უარყოფითი ენერგიით გავსებთ, სტრესში გაგდებთ და დეპრესიის განმაპირობებელი ხდება“, - ამბობს ფსიქოლოგი, ალისია გრენდი. მისი განმარტებით, ყოველივეს დასავიწყებლად კი ადამიანები ალკოჰოლს მიირთმევენ.

„ღიმილი, როგორც სამუშაოს ნაწილი“ - ცუდად არ ჟღერს, მაგრამ მთელი დღის განმავლობაში იღიმოდე, მაშინ, როცა სულაც არ გინდა ეს, უმძიმეს ფსიქოლოგიურ გავლენას ახდენს“- აცხადებს ფსიქოლოგი.