რუსთავში, ჭყონდიდელის დასახლებაში სასჯელაღსრულების დაწესებულების მშენებლობასთან დაკავშირებით რუსთავის ეპარქია განცხადებას ავრცელებს.

,,ქალაქ რუსთავის მართლმადიდებელი ეპარქია და მისი მრევლი გამოთქვამს მტკიცე პროტესტს რუსთავში, ჭყონდიდელის დასახლებაში, სამაჩაბლოს ომში დაღუპული გმირის გიორგი ჯავახიშვილის სახელობის ქუჩის გასწვრივ, საცხოვრებელი კორპუსების წინ, სასჯელაღსრულებითი დაწესებულების ობიექტის – ციხის მშენებლობასთან დაკავშირებით, რისთვისაც მოუწოდებს ეკლესიის მრევლს, ქალაქში მცხოვრებ ყველა მოქალაქესა და დაინტერესებულ პირს, მიმდინარე წლის 2 მაისს, ბრწყინვალე შვიდეულში, ხუთშაბათს, 17:00 საათზე, საკუთარი პროტესტის გამოსახატად სოლიდარობისთვის მობრძანდეთ ზემოთ აღნიშნულ მისამართზე", - აღნიშნულია განცხადებაში.

შეგახსენებთ: რუსთავის მოსახლეობის ნაწილი, სამოქალაქო აქტივისტები და არასამთავრობო სექტორი ჭყონდიდელის დასახლებაში ციხის მშენებლობას აპროტესტებს. სამოქალაქო აქტივისტების აქცია დღეს აქვთ დაგეგმილი.